ஆசை முகம் மறந்து போச்சே

 8

ஆசை முகம் மறந்து போச்சே

Asai Mugam Marandhu Pochae

Jonpuri

Semmangudi Srinivasa Iyer"

https://youtu.be/Rvpq0RsI8Dk?si=dRId8iLw6iP835rO

.

ஆசை முகம் மறந்து போச்சே -இதை

யாரிடம் சொல்வேனடி தோழி

நேசம் மறக்கவில்லை நெஞ்சம் - எனில்

நினைவு முகம் மறக்கலாமோ

(ஆசை)

கண்ணில் தெரியுதொரு தோற்றம் - அதில்

கண்ணனழகு முழுதில்லை

நண்ணு முகவடிவு காணில் - அந்த

நல்ல மலர்ச் சிரிப்பைக் காணோம்

(ஆசை)

தேனை மறந்திருக்கும் வண்டும் - ஒளிச்

சிறப்பை மறந்துவிட்ட பூவும்

வானை மறந்திருக்கும் பயிரும் - இந்த

வையம் முழுதுமில்லை தோழி

(ஆசை)

கண்ணன் முகம் மறந்துபோனால் - இந்த

கண்களிருந்து பயனுண்டோ

வண்ணப் படமுமில்லை கண்டாய் - இனி

வாழும் வழியென்னடி தோழி

(ஆசை)

.